Дрнка.МК: Повратникот во елитата дали е максимално подготвен за стартот на првенството со Силекс и дали е хендикеп што ќе се игра без публика
Милков: Подготвени сме максимално и со нетрпение го чекаме стартот на првенството. Силекс е екипата која ќе не претставува во квалификациите за ЛШ и таму воошто не се најде случајно. Се работи за доста квалитетен состав кој е делумно веќе и познат за нас, со оглед на тоа што одигравме и контролен натрпевар со нив овие подготовки. Што се однесува до тоа што сите натпревари ќе се играат без публика, тоа за сите екипи кои гостуваат ќе биде на еден начин олеснителна околност, поради недостатокот на притисок од публиката и навивачките групи
Дрнка.МК: Кои се амбициите на Беласица ова сезона, што може да очекуваме
Милков: За нас опстанокот е императив и ќе дадеме се од себе овојпат Беласица да опстане во ПМФЛ.
Дрнка.МК: Кои екипи според стратегот на Беласица се фаворити за висок пласман во новата сезона
Милков: Доста екипи значајно се засилија со квалитетни фудбалери овој преоден рок. Не би сакал да издвојам во моментот ниту една екипа, меѓутоа ќе кажам дека на секој терен очекувам тешка борба за бодови
Дрнка.МК : По пауза од една сезона повторно Струмица со два преставника во Првата лига. Ќе бидете ли подобри од Вашиот градски ривал Академија Пандев
Милков: Искуството е на страната на нашиот градски ривал. Веќе неколку години се дел од ПМФЛ, а пак последните неколку денови се засилија со играчи кои се дел од нашата репрезентација. А за тоа кој ќе биде подобар, ќе покаже зелениот терен.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
