Струмичанката Ана Фасулева со нов трансфер – следната сезона во грчкиот клуб Превеза

1924

20 годишната Ана Фасулева која играше за струмички ,,Наковски Волеј’’ а играше и во словачкиот ,,Купеле Брусно’’ склучи договор за грчкиот одбојкарски клуб ,,Превеза’’. Договорот е за една сезона а веста ја објави и официјалниот сајт на грчки Превеза кој Фасулева ја преставија како огромно засилување во амбициите на клубот за новата сезона потенцирајки дека тоа е првото странско засилување во историјата на клубот.

,,Како и сите спортисти, секогаш имам мотивација и големи очекувања од себе и од тимот за кој играм. По природа сум борец и секогаш давам максимум на тренинг и на терен. Со моја помош и искуство, верувам дека клубот ќе ги исполни своите цели за што повисок пласман во А дивизија. Искрено им се заблагодарувам на мојот менаџер и на целиот тим за довербата,, изјави за клупскиот портал Фасулева

Ана Фасулева беше дел од ОК ,,Наковски Волеј ’’ од самото формирање. Носител на играта а беше дел од младинските погони на овој струмички клуб со кој се закити и со титули а честопати беше прогласувана и за МВП. Лани во август Фасулева потпиша едногодишен договор за словачкиот женски суперлигашки Купеле Брусно

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.