Гевгелискиот градоначалник Андон Сарамандов избран за Претседател на Југоисточниот плански регион

2333

Градоначалникот на општина Гевгелија Андон Сарамандов е избран за претседател на Советот на градоначалници на Југоисточниот плански регион. Тој со Советот ќе раководи во наредните 12 месеци од која позиција ќе ги координира сите активности  на ова тело кое ќе ги носи одлуките од регионално значење за овој дел од државата. Вака одлучија градоначалниците на 10 те општини од овој дел на Македонија, кому довербата за претседател му ја дадоа на првиот човек на Гевгелија.

,, Заедно треба да вложиме многу енергија и да направиме подобра иднина во нашиот регион. Очекувам добра соработка и честа комуникација со цел да  реализираме  што повеќе проекти а сите проблеми на нашите граѓани да ги решаваме со најдобри можни решенија.   Основна задача ќе ми биде, да бидеме транспарентни и отворени кон сите наши сограѓани од  10 те општини од регионот,, кажа новоизбраниот претседател на Југоисточниот плански регион Сарамандов

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.