Во струмичко Иловица, 39 годишна жена ставала отров во кафето за да го лиши од живот својот сопруг – доби 30 дневен притвор

596

Основното јавно обвинителство Струмица отвори истражна постапка против 39 годишна жителка од струмичко Иловица,  осомничено за кривично дело – Убиство во обид. Таа во семејниот дом во Иловица на подмолен начин се обидела да го лиши од живот нејзиниот сопруг.

Кога сопругот побарал да му свари кафе, таа во филџанот ставила течно средство хербицид „Моносан Херби“, го помешала со кафето и му го дала да го испие. Оштетениот го испил кафето, излегол во дворот и паднал во бессознание.

Ценејќи дека се исполнети законските основи, надлежниот јавен обвинител на судијата на претходна постапка од Основниот суд Струмица му предложи да определи мерка притвор за осомничената. Судијата го прифати предлогот и определи притвор во траење од 30 дена.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.