На иницијатива на градоначалникот на Босилово Ристо Манчев а во соработка со иселениците кои живеат во Швајцарија, тамошната општина Фриборг донираше возила и опрема на Општина Босилово во вредност од околу 80 илјади шварцарски франци. Станува збор за донација од функционална метларка за улици, камион, патнички возила како и контејнери и корпи за собирање на комунален отпад кои веќе стасаа во општинскиот центар и се предадени на комуналното претпријатие „Огражден“. За реализација на донацијата лобирал и Горан Мијалов кој потекнува од Босилово а е вработен во општината Фриборг.
,, Роден сум овде во Босилово но уште како мал со семејството се преселивме во Фриборг. Таму работам како инженер во општината и ја искористив врската со градоначалникот да се зајакне соработката меѓу Фриборг и Босилово. Се надевам дека ова соработка ќе трае и ќе се развива на други полиња,, рече Горан Мијалов
Донацијата е исклучително важна со оглед на нашите слаби финансиси ресурси како мала општина, кажа градоначалникот на Босилово Ристо Манчев кој упати благодарност до швајцарската Фриборг. Според него со новите возила значително ќе се подобрат капацитетите на ЈП ,, Огражден“ за испорака на квалитетни услуги кон граѓаните.
,, Ние сме мала рурална општина и немаме доволно пари за да набавиме нова механизација. Последниве 18 месеци по пат на донации успеавме да го зајакнеме комуналното. Успеавме да добиеме ново возило за собирање смет од јапонската амбасада, половно возило за собирање и депонирање отпад од општина Струмица како и садови за собирање и селекција на отпад од неколку фирми. Најголемито дел од донираните возила ќе бидат за ЈП „Огражден“ како за јавна чистота така и за интервенции на терен,, рече градоначалникот на Босилово Манчев кој упати благодарност. Инаку неодамна преставници на семејството Мијалови донираа часовници за завршните основци во ова општина.
По примерот на Мијалов и иселениците во Швајцарија се јавија и иселениците од населеното место Петралинци кои живеат во повеќе европски држави. Тие набавија и донираа трактор за потребите на комуналното претпријатие за собирање и транспрот на кабаст отпад.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
