Општина Струмица ќе добие две специјализирани возила кои ќе бидат во функција за подобора комунална хигиена од проектот на Министерството за транспорт и врски и Светска банка. Станува збор за електрично возило кое што треба да помогне за метeње на улиците но и цистерна за перење и за миење на улици која може да се користи и за други цели. Веста за Дрнка МК ја потврди и градоначалникот на Општина Струмица Петар Јанков.
„Ова е конкретна поддршка за подобра комунална хигиена, поефикасни услуги и почиста животна средина“, објави градоначалникот на Струмица, Петар Јанков.
Министерството за транспорт со поддршка на Светска банка од заштеди кои што ги направи Министерството, успеа да купи 49 возила за комунална хигиена кои ќе бидат распоредени на повеќе општини како донација.
“ Се работи за различни типови на камиони за собирање на смет, се работи за цистерни за перење и за миење на улици и се работи за различни типови на електрични возила коишто треба да помогнат за метeње на улиците. Вкупно 49 возила, од кои што најголем дел ќе бидат за Градот Скопје. Исто така ќе имаме возила и за Општините Куманово, Тетово, Штип, Велес, Струмица, Прилеп, Дебар, Кичево и Охрид, а во следниот период ќе помагаме и на другите општини. Јас не можам да се сетам на друга поголема донација којашто општините во делот на зачувување на хигиената ја добиле. Она што исто така ми е особено драго е дека и при набавката заштедивме пари — проценетата вредност беше 5.5 милиони евра, набавката заврши на 4.2 милиони евра, значи заштедивме некаде 1.300.000 евра што сега попаметно ќе ги употребиме за другите општини” – истакна министерот Александар Николоски.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
