Сопствениците на овоштарници во месноста „Кумиште“ кои настрадаа во големиот пожар пред десетина дена кај Струмица, бараат поддршка или помош од државата бидејки штетите биле огромни. Станува збор за околу 400 декари насади со сливи, вишни и ореви кои изгореа или се уништени од пламените јазици па сега фармерите се принудени да ги корнат дрвцата стари 6 до 8 години и напролет да садат нови на земјиште кои го имаат земено под закуп од државата.
Меѓу оштетените е и Ацо Стоилков. Пожарот пред десетина дена кај Струмица му изгоре околу 230 декари со сливи. Дел од засеаната површина суште била со род. Сега останал и без род и без дрвца. Тврди дека штетата му е околу половина милион евра
,, Имам засадено 18 илјади садници со сортите ,,чачанска лепотица“ и „стенлиа“. Насадите беа во полна родност стари се по 8 години и очекувавме добар род. Паралелно со садниците имаме изгорено и помошен објект каде чуваме репроматеријали. Штетата се проценува околу 500 илјади евра. Направиме записници и сега е ред со надлежните да видиме што и како оти земјиштето ни е под закуп. Бараме разговори со преставници од МЗШВ да видиме како понатаму оти за да ја исчистиме таа парцела ќе ни треба две години и дополнителни ивнестиции од 200 илјади евра„, вели Стоилков
Тој тврди дека во истата месност и лани имало пожар кој му зафатил еден хектар насад со слива но годинава штетите како што кажа се ненадоместливи.
Пожарот кај Струмица избувна на 22 август и ја зафати целата област наречена ,,Софилар“. Пламените јазици стасаа и до првите објекти од градот. Интервенираа противпожарни единици од Струмица, Радовиш, Валандово како и доброволни друштва од регионот. Се гаснеше и од воздух . Во пламените јазици освен овоштарници настрадаа и земјоделски посеви но и помошни објекти кои се користеле и како викендици. (В. Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
