Во сите општини од Југоистокот бројот на невработени во 2020 во пораст – најмногу во Гевгелија

1820

Бројот на невработни во Југоистокот, според евиденцијата на АВРМ на 31 декември 2020 во однос на 31.12.2019 е зголемен за 75 %. Ако на почетокот на 2020 во 10 те општини од Југоистокот во евиденцијата на АВРМ се воделе 7 315 лица како невработени, ова бројка на крајот од 2020 се зголемила на 12 874 лица што во апсулутна борјка изнесува 5 559 лица.

Ако се анализира по Центри, најголем скок на невработени има во гевгелискиот микро регион каде се води евиденција на невработените за општините Гевгелија, Богданци и Дојран. Таму на крајот на 2019 биле евидентирани 864 лица а на крајот на 2020 се евидентирани 2 116 невработени што преставува скок за 144%. Од вкупната бројка  околу 200 отпаѓаат на општина Дојран а околу 480 невработени на Богданци.

Зголем раст од речиси 100% има и во општина Валандово. На 31 декември 2019 во ова општина се воделе 498 невработени а на 31 декември 2020 бројката според евиденцијата на АВРМ изнесува 980.

Во Струмица и околните општини Василево, Босилово и Ново Село, бројката на невработени во 2020 е зголемена за 2 684 лица. Во Центарот на Агенцијата во Струмица на крајот на 2019 се воделе 4 105 невработнеи додека на крајот на минатата година 6 789 невработени

Во Радовиш каде се води евиденција и за општина Кончестатистички има најмал пораст на невработеноста. Таму за една година евидентирани се  нови 1 141 невработени. На 31 декември 2019 се воделе 1 848 невработени додека на 31 декември  2 989 што преставува зголемување за 61%.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.