Над стотина фармери од земјава и странство како и производители и дистрибутери на репроматријали и земјоделска механизација и опрема ќе бидат дел од Агросаемот што во сабота ќе се одржи на плоштадот во Струмица. Станува збор за шестото издание на саемската манифестација што го организира здружението „Проагро фармери“ кој има за цел да ги промовира фармерите со нивното производство но и да ја зајакне врската со потрошувачите но и фирмите кои се дистрибутери на репроматеријали и опрема.
Градинари, пчелари, овоштари, семејни винарии, мали сточарски и преработувачки капацитети се очекува да го изложат своето производство на присутните кои може на лице место да вкусат но и набават дел од изложеното производство. Ќе има мед и пчелни производи, конзервирани преработки, сокови, млечни пропизводи, вина и алкохолни пијалоци а паралелно ќе има и понуда од новата технологија и земјоделска механизација.
Агросаемот во Струмица е своевиден фестивал на вкусовите и традицијата каде ќе се акцентира домашната храна и малите фармери, бидејки со нивна поддршка се потикнува и локалната економија. На саемот ќе има и настап на фолклорни друштва.
На саемот за пчеларите ќе има и стручно предавање на тема ,,Производство на матичен млеч“ каде предавач ќе биде проф. Д-р Горан Митревски а паралелно ќе бидат доделени и наградите за најдобар мед по распишаниот конкурс за Меден Балкан. Паралелно се очекува да бидат наградени и најдобрите жени фармерки.
Инаку манифестацијата е поддржана од Општина Струмица (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
