Во новата општинска зграда во Ново Село ќе има канцеларии и на државни органи во интерес на граѓаните, кажаа Елези и Андонов

1049

Општинската административна зграда на Ново Село ќе биде мулифункционален објект во кој освен општинските служби ќе бидат сместени и дисперзирани канцеларии на повеќе државни служби и органи во интерес на жителите на ова локална самоуправа која е најоддалечена од Струмица како регионален административен центар. Вака потенцираа градоначалникот на Ново Село – Никола Андонов и заменик министерката за финансии д-р Ширет Илези откако денес ја промовираа општинската зграда која се градеше се средства од ЕУ и со заем од Светска банка од проектот за Подобрување на општинските услуги.

,, Ова општинска зграда е една од најмодерните што е изградена во државата и се надевам дека истата ќе биде мултифункционална каде ќе бидат сместени и државни институции се со цел да се пружат соодветни услуги на жителите од ова општина. Се надевам дека овде ќе биде сместено матичното потоа подрачно одделение на министерството за труд и социјална политика,, кажа заменик мнистерката Елези

Новата општинска административна зграда чини околу 35 милиони денари од кои 20 милиони се заем од Светска Банка а околу 15 милиони се грант од ИПА фондовите на ЕУ. Градоначалникот на Ново Село Никола Андонов кажа дека до повеќе државни органи доставени се дописи и барање да отворат свои канцеларии во Ново Село

,, Упатувам голема благодарност до Министерството за финансии но и до ЕУ и Светската Банка кои помогнаа да се изгради овој нов објект, во кој од денес имаме услови за подобрување на услугите што треба како општинска администрација да ги испорачуваме до граѓаните на Ново село. Ние сме една од најодалечените општини од Струмица. Има околу 37 километри оддалеченост и ќе биде многу добро што голем дел од минситерствата ќе имат дисперзирани канцеларии овде. Ние доставиввме барања и дописи и очекуваме повеќе државни органи овде да отворат свои дисперзирани канцеларии,, кажа првиот човек на Ново Село Никола Андонов

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.