Во недела повторно ,,Чисти ридови за сите”, ќе се собира отпад во општините Струмица, Ново Село, Василево и Босилово

268

Граѓанскиот сектор заедно со општините и комуналните претпријатија од струмичкиот регион, спортски клубови и училишта но и приватни фрими, во недела ќе реализираат еко акција за чистење на повеќе локации во струмичко кои се сметаат како приоритетни за почиста животна средина. Станува збор за еко акцијата ,,Чисти ридови’’ втор дел кој сега се проширува и на локации во општините Босилово Ново Село и Василево

Спроед програмата во Струмица ќе се чисти на локалитетите Чам Чифлик и Св. Илија а заинтереисраните ќе тргнат од СОУ Никола Карев. Во општина Босилово ќе се чиси на просторот кај манастирот кај Хамзали и околу  брана Иловчанка. Во општина Ново Село се планира да се чиси кај Мокринските извори, Колешинските водопади и кај браната Новоселка, додека во општина Василево е планирано да се чиси кај  брана Турија.

,, Потребно е да се има желба за почиста мајка природа. Сите заинтересирани треба да понесат комфорна облека и соодветни обувки, додека реквизитите за собирање на отпад – ќе биде обезбедено се од наша страна како што се ракавици, најлон вреќи, соодветно возило за собирање на отпадот,, кажаа иницијаторите

Во Чисти ридови 2 се вклучуваат“ВК Актив”,  Беласица Ран, Ентузијаст, Црвен крст-Струмица, Младински совет-Струмица, Монго кампинг, ЗСК Југоисток, Здрава котлина, Планетум, Еделвајс, мотокрос клуб Џабл, Контекст ( Kontext), П.А.Е.К. Маратон, Strumica Online, ЦИА Новус Струмица, МВП Академија, Риверсаунд, Риверсофт, Повик од Дивината, КК Струмица, СОУ Јане Сандански, Тимас , ЈП Комуналец- Струмица, One way dance studio, Алпинистички клуб Скала, Радиоаматерски клуб Струмица, Зелен Крст на Македонија, Стига Е, Општина Струмица, Општина Босилово, Општина Ново Село, СОУ Никола Карев, СОУ Димитар Влахов, Еко Долина, Општина Василево, ОУ Гоце Делчев, ОУ Атанас Нивичански, Европска куќа- Струмица ( Europe House- Strumica) но и други организации и фирми од другите општини од струмичкиот регион

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.