Во директен судар на две возила на патот Струмица-Валандово кај Костурино, три лица тешко повредени

1155

Три лица се повредени и префрлени во струмичката болница по сообраќајката што се случи на патниот правец Струмица-Валандово кај населеното место Костурино за што сообраќајот на ова делница околу два часа беше во прекин. Како што пренесе СтрумицаНет повикувајки се на извори од струмичката болница сите три лица имале сериозни  повреди, но биле надвор од животна опасност. Едно лице со повреди на главата е префрлено во Скопје додека другите две лица се здобиле со повреди на карлицата и градниот кош.

Според информациите, сообраќајката се случила околу 10 часот и 40 тина минути пред влезот на селото Костурино каде две возила од засега непознати причини директно се судриле а трето возило излетало од патот.

Околу два часа беше во прекин сообраќајот на патот Струмица-Валандово но од 13 часот истиот е нормализиран. Надлежни екипи извршија увид на сообраќајката за утврдување на причините.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.