Викендов се одиграа натпреварите од второто коло од Првата кошаркарска лига на Македонија но најинтересно беше во Гевгелија меѓу домашниот Кожув и гостинскиот состав на Струмица. Вистинска драма се случуваше во последните секунди од мечот. При резултат 88-86, во финишот од средбата Светозар Стаменковиќ постигна победничка тројка за Струмица со звукот на сирената, но по прегледувањето на снимката судиите заклучија дека шутот е упатен по истекот на времето и не го признаа кошот за три поени.
Гевгеличани во сите четири диктираа резултат и имаа предност . На полувреме заминаа со 45:42 . Во третиот период предноста ја зголемија но во последните 10 минути Струмица ја стопи предноста. На осум секунди до крајот Гордон за Кожув реализираше две слободни за 88-86 но во последниот напад Србинот Стаменковиќ даде тројка за Струмица. Гостите се израдуваа затоа што мислеа дека победија, меѓутоа арбитрите пресекоа дека поените за три се постигнати по истекот на времето.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
