Две фирми ќе ја реконструираат обиколницата кај Богданци за 2,1 милион евра, ќе има времен режим на сообраќај

Деновиве се очекува да отпочне реконструкцијата на обиколницата на Богданци од државниот  патен правец Р1109.  Струмичката фирма ,,Жикол” заедно со струшката ,,Илинден” се фирмите кои треба да го работат овој проект откако летово ја добија  јавната набавка на Државни патишта за околу 2,1 милион евра.  Паралалено исто така преку јавна аукција беше избрана и фрима за надзор на работите за реконструкција на овој пат. Надзорот ќе го врши Евро консталтинг од Скопје за 76, 6 илјади евра.

,, Не е заглавен проектот кај Богданци. Избрани се фирми за реконструкција но и надзор. Имавме проблеми со одобренијата на проектот но тој проблем е надминат и наредниот период градежни фирми ќе пристапат за работа односно ќе се воведат во работа за реализација на проектот ,, Реконстркција на државниот пат Р 1109 делница, обиколница на Богданци,, рече Рустеми кога беше при посета на струмичко Робово кога ја најави реконструкцијата на патот до Муртино

Општина Богданци најави дека престојната недела се очекува да отпочнат подготвителните работи за реконстуркција на делницата прва фаза, односно Реконструкција на Државен Пат Р1109, Делница обиколница на Богданци заради што ќе има времен режим на сообраќајот

,,Предметната локација на патот од наведената делница ќе се третира како градилиште во кое ќе се реконструира истата, и ќе биде затворена за сообраќај, додека  сообраќајот за тешки товарни возила ќе биде пренасочен кон улица Маршал Тито во Богданци. Ваквиот времен режим на сообраќај подразбира и воведување на забрана за запирање и паркирање на возила на улицата Маршал Тито (на потегот од „Каменот“ до спојот со раскрсницата на ул.„Петар Мусев“), се до целосно завршување на градежните активности.Се апелира до граѓаните да наидат на разбирање и да ги почитуваат сообраќајните правила и прописи со цел безбедност на сите учесници во сообраќајот,, стои во соопштението од општина Богданци