Британската гудачка атракција квартетот ,,Bond“ нарекуван уште и „Spice girls на класичната музика“ на 20 ти мај ќе има свој концерт во НУЦК Антон Панов во Струмица. Веста ја објави ова институција откако гудачкиот квартет ќе има гала концерт во Македонската филхармонија на 19 -ти мај. Концертот е по повод 30 годишнината на Авалон продукција.
„Квартетот „Бонд“ е супербренд во светот на музиката кој е истовремено и најпродаваниот гудачки квартет на сите времиња. Нарекуван уште и „Спајс грлс на класичната музика“, има продадено неверојатни 5 милиони албуми низ целиот свет и 56 платински и 15 златни тиражи на своите изданија.После огромен број на распродадени концерти низ Европа, Америка, Австралија, Централна Америка и Азија, уникатните „Бонд“ конечно доаѓаат во Скопје“, велат од Авалон продукција.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
