Заврши изградбата на браната „Конско“ која е дел од Хидромелиоративниот систем „Гевгелиско поле“ која ќе овозможи наводнување на најмалку 6 500 хектари што преставува пет пати повеќе отколку сега Овој капитален проект, како што беше речено на денешниот настан, е најголем во државава во последните 50 години, а се реализира со инвестиција вредна над 40 милиони евра, обезбедена директно од Буџетот на Министерството за земјоделство, шумарство и водостопанство (МЗШВ).
Новата вештачка акумулација е изградена со користење најсовремени технолошки методи, по светски стандарди. Водата од акумулациското езеро, освен за наводнување, ќе се користи и за производство на електрична енергија. Акумулацијата ќе овозможи и развој на руралниот туризам, спортски и рекреативен риболов, но ќе добие и нова, дополнителна вредност со предвиденото поставување пловечки фотоволтаци.
,, Освен тоа, браната добива нова додадена вредност, бидејќи со грант од Кралството Шпанија, предвидена е изградба на пловечки фотоволтаици со што ќе се намали цената на водата за наводнување, а ќе се зголеми енергатската независност на државата. Планирани се и 2 мали хидро централи во рамките на хидросистемот, бидејќи ова е единствениот водостопански објект кој веднаш по завршувањето на браната започнува и со градба на хидросистем за наводнување. Веќе е потпишан меѓународен договор со консултант за имплементација CES (Consulting Engineers Salzgitter GmbH) кој што ќе ги извршува задачите за проектирање, надзор и учество во процесот на избор на изведувач на градежните работи. Проектирањето на градежните работи ќе започне веќе од утре, договорен е состанок на кој официјално на консултантот ќе му го предадеме налогот за почеток на проектот,, кажа Љупчо Николовски министер за земјоделство
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
