SMX е едукативен центар зад кој стои тим составен од млади лица полни со енергија и ентузијазам за учење и растење. Нивната цел е да обезбедат професионална обука за сите поединци кои сакаат да се стекнат со нови или да ги унапредат своите основни знаења и вештини од сферата на бизнис, маркетинг и ИТ индустријата. Во текот на 4 годишното работење, SMX има организирано над 180 курсеви, обуки и академии на кои имаат учествувано над 2.000 учесници од најразлични позадини и индустрии.
SMX ја организира третата по ред Full-Stack Академија за Програмирање каде ќе бидат доделени:
- На 5 учесници – Целосни стипендии
- На 10 учесници – Половина стипендии
- На 8 учесници – 25% попуст до 1-ви ноември
Full-Stack Академијата за програмирање која ја организира SMX, има за цел да помогне на секој кој сака да се стекне со квалитетно образование и започне кариера во IT светот! Програмата трае 9 месеци и ќе се изучуваат технологиите HTML/CSS, Git/GitHub, JavaScript, React, Node.js кои ќе се искористат и во реалните проекти кои ќе се изработуваат во текот на академијата, заедно со подготовка за кариера во IT.
„Во SMX го практикуваме овој модел уште од 2019 година, со организирани две успешни академии за веб програмирање, со неколку избрани учесници од над 300 апликанти. Успешните приказни на нашите учесници по завршување на академијата говорат за знаењето и вештините кои тие ги стекнуваат со помош на искусни инструктори и детална програма, а тоа е нашиот главен мотив зошто решивме повторно да ја организираме Академија за програмирање!“ – тимот на SMX
Повеќе за целосната програма како и за начинот на апликација можете да видите ТУКА
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
