Аналитичарот по безбедност Александар Илиев донираше ПП апарати за ЈЗУ Здравствен дом Струмица со цел зголемување на безбедноста на институцијата во несакани случаи. Истите ќе бидат распоредени по одделите на ова здравствена институција за да може брзо да се интервенира во случај на пожари а претходно дел од вработените ќе имаат и обука за правилно користење на истите. На ова како што кажа Илиев се одлучил бидејки сите институции мора да се залагаат за безбедноста на граѓаните.
,, Со донацијата на противпожарни апарати за Здравствен дом Струмица сакам да укажам дека државните институции и приватните компании треба повеќе да се залагаат за нашата безбедност. Доста е од декларативни заложби, непочитување закони и импровизации. Потебни се промени во односот кон безбедноста кои ќе се реализираат веднаш. Јас уште во 2022 во интервју за А1ОН повикав за законски измени за заштита на критичната инфраструктурата и подбрување на безбедноста на јавни места. Затоа ги поздравувам напорите на директорот на Здравствен дом Струмица за подобрување на безбедноста во неговата институција, а со мојата донација давам поддршка на истиот,, изјави Илиев кој апелираше до сите одговорни лица да превземат конкретни чекори за гарантирање на безбедноста во нивните институции и на јавните места.
Илиев смета дека немањето доволна свест за јавната безбедност и корупцијата во земјава резултираше со големата трагедија во Кочани. Според него ќе мора да се подобри ситуацијата на терен, бидејки сеуште нема функционални хидранти и доволно ПП апарати во јавните институции а уште позагрижувачко е што нема обука за вработените за постапка во случај на пожар, поплави или земјотрес.
Тој апелираше до заедница да се најде начин и модел да се обезбеди опрема за спасување на луѓе во повеќе катници во случај на пожар во Струмица а институциите да имаат во предвид за полесен пристап на ПП екипи во оние подрачја каде има дивоградби и тесни улици.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
