14 негуватели ќе се грижат за стари и лица со попречености во општините Ново Село и Василево (фото)

1975

Вкупно 14 лица ќе се грижат за триесетина лица во општините Василево и Ново Село преку проектот за ,,Подобрување на социјалните услуги’’ што го реализира Црвениот крст од Струмица со поддршка на Министерството за труд и социјална политика и заем од Светска банка. Лицата изминативе два месеца посетуваа обука и ги добија сертификатите за негуватели, а деновиве ќе почнат да ги посетуваат старите и изнемоштени лица.

,,Проектот за подобрување на социјалните услуги е финансиран од Министерството за труд и социјална политика преку заем од Светска банка и досега се набавени униформи, медицински и санитетски материјали опремени се две инфо канцеларии, а набавено е и едно возило за теренски посети. Во текот на наредниот период ќе бидат поставени и промотивни материјали во двете општини како и во населените места а тимови на Црвен крст ќе излезат на терен со цел да извршат мапирање за изнаоѓање на потенцијални корисници на услугата помош и нега во домот, рече на денешната прес конференција Менче Златинова, координатор на проектот.

Месечно негувателите треба да работат по 80 часа. Саатницата чини 190 денари.  Градоначалниците на Василево и Ново Село каде се отворија канцеларии на Црвениот крст за координација на теренските активности, изразија задоволност од овој проект бидејки и во двете општини расте бројот на стари и изнемоштени лица чии деца заминале во странство

,, Овој проект е од големо значење за Ново Село бидејки имаме стара популација и помошта од негувателите ќе биде од голема корист,, рече Никола Андонов

,, Трасираме еден правец за една контуинирана и професионална помош на старите лица. Наша цел е да бидеме средина каде ќе пружаме квалитетна заштита на граѓаните,, рече Марјан Јанев градоначалник на Василево

,, Во нашата општина речиси сите млади се иселени и по селата останаа само старите и изнемоштени лица. Јас веќе добив две семејства за кои ќе се грижам. Бев невработена и се пријавив на конкурсот за да стекнам нови вештини  но и да добивам плата. Целта е овие лица кои се сами а не се згрижени во одредени домови, да се почуствуваат дека не се заборавени од средината ,, ни изјави Николина Стојкова од населеното место  Старо Коњарево која доби сертификат од Црвениот крст

Од Црвениот крст во Струмица информираа дека расте интересот за нега и помош на стари и изнемоштени лица во овие две општини. Работата на негувателите ќе ја контролираат од Црвениот крст, Центарот за социјални работи но и од општините.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.