10 фирми се јавиле на тендерот вреден 753 илјади евра за реконструкција на поројот Крушевска во Струмица

1659

Вкупно 10 компании се јавиле на распишаната јавна набавка за реконструкција на дел од каналот на улицата Крушевска република – (Прва фаза) во Струмица, што општината ја објави пред еден месец. Како што дознаваме од општината, понудите на 10 те компании треба да поминат низ процес на евалуација, по што, оние кои ги исполнуваат критериумите од технички аспект, односно дека ја исполнуваат потребната документација и услови, ќе земат учество на јавното наддавање за добивање на тендерот вреден околу 46,3 милиони денари или 753 илјади евра.

Инаку овој проект го најави градоначалникот на Струмица Коста Јаневски минатата година. Станува збор за реконструкција на горниот дел од поројот односно од кружниот тек нагоре, при што тој треба да прерасне во шеталиште со хортикултурно уреден простор. Конкретно станува збор за за реконструкција на поројот од стационажа од 0+00 до 0+571.81 каде се планира и ново улично осветлување со нова урбана опрема.

Според распишната јавна набавка, право на учество на распишаниот тендер имаа фирми кои во изминатите три години имаале вкупен обрт на финасиските средства од 100 милиони денари или 1,5 милиони евра но и да имаат документ за регистрирана дејност – важечка лиценца Б за изведувач на градби од втора категорија, издадена од Министерството за транспорт и врски. Од општината не информираа дека по завршувањето  јавното наддавање и жалбената постапка во однос на изборот, јавноста ќе биде запознаена со изведувачот на овој капитален проект кој треба да му донесе нов лик на овој дел од градот.

Договорот за јавна набавка ќе биде доделена на фирмата која ќе понуди најнниска цена.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.