Министерот за земјоделство Борче Серафимовски попладнево беше на средба со земјоделците производители на црвената пиперка но и откупувачи и преработувачи во врска со новонастанатата ситуација со откупот и цените на ,,ајварката“. Министерот Серафимовски на својата ФБ страна објави дека отворено се зборувало на сите проблеми и прашања кои влијат на процесот на откупот и актуелните пазарни движења.
„Податоците покажуваат дека македонската пиперка има активен пласман на странските пазари. Во периодот од 1 јули до 25 август годинава извезени се 7.347,84 тони пиперка, наспроти 7.201,48 тони пиперка што се извезени во истиот период од 2025 година. Значи, имаме зголемување на извозот за 146,36 тони.Но, само низ дијалог на сите чинители, придобивките од овој извоз може да се почувствуваат низ целиот синџир – од производството и откупот до преработката и извозот на пиперка“ објави на ФБ министерот за земјоделство Борче Серафимовски
Во објавата на ФБ нема конкретна информација за и околу откупните цени.На средбата која не беше најавена на медиумите, присустувале и преставници од здружението Млади Муртино кои изминатиов период беа иницијатори за протести и блокади поради ниските откупни цени како и дел од откупувачите и преработувачите од Струмичко.
Серафимовски: Договорените услови за откуп на пиперката мора доследно да се почитуваат (ВИДЕО)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
