,,Changemakers4all’’ од Гевгелија со донации во 4 институции во Гевгелија и Богданци ја завршува ова година

1712

Здружението ,,Changemakers4all’’ од Гевгелија со донации во Гевгелија и Богданци ја завршува ова 2020 година која смета дека треба набргу да се заборави со оглед на кризата предизвикана од вирусот ковид-19. Како што објавија на нивната ФБ страна донирана е опрема во ТППЕ Гевгелија, во гевгелиската болница, во ЈЗУ Меѓуопштински центар Гевгелија но и во СОУ Богданци од Богданци. Како што не информираше Марина Томова од ова здружение, станува збор за донација која е обезбедена од партнери од Холандија кои и досега ја покажале својата несебична хуманост.

,,Овие донации немаше да бидат реализирани без неколку месечната теренска работа во Холандија на еден од нашите членови Јан Звиерс и неговите партнери во компанијата „Микродониа”. Во гевгелиската болница дониравме нови медицински униформи за секојдневна работа на вработениот персонал. Во проитвпожарната единица во Гевгелија  дониравме 80 парчиња специјална опрема за гасење пожари и чизми кои што се неопходни за работа на терен. Во СОУ „Богданци” дониравме спортска опрема која што се состоеше од неколку стотини тренерки, дресови, пластични столчиња за публика а во Меѓуопштинскиот центар за социјална работа во Гевглеија дониравме 8 специјализирани помагала за инвалидизирани лица,, ни изјави Марина Томова од здружението ,,Changemakers4all’’ од Гевгелија

Томова изрази надеж дека ваквите граѓански иницијативи ќе бидат уште поголеми ако државните институции посветат поголемо внимание на установите кои по цели 24 часа фунцкионираат и работата во интерес на локалните заедници

,,Ние како обични граѓани правиме се во рамките на нашите можности, ама ни треба охрабрување и од државата со нејзино залагање и најпрвично и неопходно опремување и заштита на најважните служби, кои што служат на народот,, подвлече Томова.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.