Донесена е одлука за наплата на патарина на автопатот Демир Капија – Гевгелија на патарината кај Смоквица која е речиси готова. Владата на последната седница ја разгледа и усвои Информацијата согласно која е донесена Одлука за висината и начинот на наплата на надоместот за употреба на пат – патарина. Одлуката се донесува заради воведување наплата на патарина на новите автопатни правци Демир Капија – Гевгелија но и за новите авопатски делници Миладиновци – Свети Николе и Свети Николе-Штип, соопшти Владата. Одлуката била донесена и заради можноста за електронска наплата на патарината со бесконтактни смарт картички и со билети за ненаплатена патарина со налог за плаќање
Пред десетина дена првиот човек на ЈП за Државни патишта Зоран Китанов истакна дека рампата кај Гевгелија е целосно изградена, а се чека уште зелено светло од надлежните институции за официјално да биде пуштена во употреба но не прецизираше која ќе биде цената на патарината
– Ги работат завршните работи, софтверските работи. Очекувам во првата недела на јуни да биде веќе пуштена, буквално со почетокот на сезоната ’’, рече Зоран Китанов, директор на Јавно претпријатие за државни патишта пред пред повеќе од седум дена
(Наплатната рампа после Смоквица кон Гевгелија кога се градеше)
Засега не се соопштуват кои би биле цените на овие нови три патарини кои се очекува да бидат ставени во функција. Според ценовникот на на ЈП за државни патишта за патнички моторни возила кај Велес се плаќа 80 денар, додека кај Петровец пред Скопје 40 денари. 60 денари за патничко возило се наплаќа на патарината кај Градско и кај Куманово а најмалку на патарината на патот Тетово – Гостивар
Според проекциите на новата автопатска делница кон Гевгелија се очекува да биде изградена уште една патарина и тоа во непосредна близина на Демир Капија. Според директорот Китанов таа ќе била готова до крајот на годината бидејќи поради појава на свлечиште на теренот било неопходно препроектирање.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
