Полициски припадници од чешкиот контингент кои се дел од мешаните полициски патроли на македонско грчката граница се заразени од ковид-19. Тие требало деновиве да заминат од Македонија и да се вратат во Чешка, но на скринингот било констатирано дека 12 од нив се позитивни на коронавирус. Како што информираше д-р Сашко Олумчев од Центарот за јавно здравје од Гевгелија, полицајците биле без сиптоми но откако излегле резултатите сите се ставени во карантин како и нивни колеги со кои имале контакт.
,, Овој кластер е веќе затворен се знаат сите полицајци и нивните контакти. Она што нас не загрижува е секојдневните позитивни од Гевгелија кои се должат поради недисициплина и непочитување на мерките и протоколите од страна на Владата. Очекувам и во наредните две недели да има стандардно новозаболени,, рече Олумчев.
Засега не се знаат каде ќе биде лекувањето на граничните полицајци од Чешка чиј мандат истекува и треба да бидат замените со нови. Се претпоставува дека вирусот го добиле од мигрантите кои станаа честа слика во Југоистокот. Пред четири месеци исто така имаше заболени полицајци . Тогаш МВР кажа дека има доволно човечки ресурси да ги покрие мешаните полициски патроли во кои партиципираат повеќе држави
Во Гевгелија во моментов има 34 активни случаи на ковид-19 од кои седум се жители на Дојран а 11 на Богданци.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
