Крстев стаса во Лондон со возилото ,,застава 101’’ старо 46 години, го извози и пред кралската палата на Елизабет (фото)

2860

По пет дена возење низ повеќе држави, Драги Крстев од струмичко Ангелци заедно со братучед му Љубиша Велиновиќ стасаа во Лондон со возилото ,,застава 101’’ старо 46 години кои го купија во Македонија. Тие во Англија стасаа доцна синоќа а веќе денеска возилото го возеа и за кусо го паркираа пред Бакингамската палата во Лондон – официјалното седиште на кралицата Eлизабет, oти таму забрането е било какво застанување со моторно возило.

,,Стасавме синоќа и успеавме да направиме неколку круга со возилото по улиците на Лондон. Бевме и пред Бакингамската палата официјалното седиште на кралицата Елизабет а со ,,101’’ го поминавме и преку Tower Bridge. Чудно им беше на сите што не гледаа со вакво возило, кое го знаат само повозрасните а посебно оние кои потекнуваат или имаат врска со Балканот. Но во секој случај си докажавме со Велиновиќ дека може да се извози рутата од Струмица до Лондон со легендарниот ,,сто кец’’ кој беше хит за време на Југославија,, ни кажа Драган Крстев кои призна дека по пат имале и понуди да им го купаат возилото односно дали го продавале.

Тие изминативе денови извозија повеќе од 2600 километри а посетија повеќе европски градови тргнувајки од Белград, Братислава, Дортмунд, Франкфурт и Брисел каде беа пред седиштето на ЕУ. Својот потфат Драги Крстев кој околу 20 години живее и работи во Лондон го објасни пред се поради љубовта кон ова возило со кое станал возач и механичар.

(Љубиша Велиновиќ кој му помагаше на Крстев на рутата Струмица-Лондон)

Крстев од струмичко Ангелци со ,,застава 101“ старо половина век, тргна за Лондон за фото сесија пред кралската палата на Елизабет
Крстев ги вози последните километри кон Лондон – “101“ возилото го паркираа и пред ЕУ (фото)

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.