Крстев ги вози последните километри кон Лондон – “101“ возилото го паркираа и пред ЕУ (фото)

9386

Драги Крстев од струмичкото населено место Ангелци  кој во вторникот тргна со застава 101 за Англија заедно со братучед му Љубиша Велиновиќ ги возат последните километри до Лондон. Тие од Струмица тргнаа во вторникот вечерта со возилото, кое како марка модел за Драги  му била првата автомобилска љубов и возило кое му буди огромни спомени, пред да замине за Англија каде веќе 20 тина години живее и работи и има свој авто сервис.

,, Се надеваме дека доцна вечерва или утре наутро да стасаме во Англија. Не очекував дека моето приватно враќање во Лондон со ,,застава 101’’  ќе предизвика толку голем медиумски интерес. Досега немавме дефект . Се знае дека “101“ е машина и може да издржи,, низ изјави Крстев за досегашниот тек од патувањето со возилото старо 46 години, заради што во багажникот носеше една гајба резервни делови и две кутии со алат.

Целата траса од Струмица до Лондон изнесува 2560 километри но како што вели Драги тие скршнале од првичната рута. После Унгарија се упатиле во Словачка иако не било планирано. Сакале да посетат повеќе градови со некогашната југословенска машина која своевремено беше хит а токму на ова возило ги имал своите први чекори и во возењето и како механичар.

,, Бевме во Белград, Братислава, Дортмунд, Франкфурт и Брисел и посетивме некои важни места и знаменитости. ,,101“ го паркиравме пред кралски палати, цркви, базилики па дури и пред седиштето на ЕУ во Брисел. По пат немаше некој да не ни свирне или поздрави. Секаде каде што застанувавме прашуваа и се фотографираа со возилото. Им беше чудно кога им кажавме дека е старо речиси половина век и дека тргнавме од Македонија со братучед ми Љубиша кој ми помага во возењето,, ни кажа Драги Крстев

Крстев од струмичко Ангелци со ,,застава 101“ старо половина век, тргна за Лондон за фото сесија пред кралската палата на Елизабет

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.