Во организација на Пионерскиот дом а под менторство на Димитар Новаков, деновиве во Гевгелија се одржа работилница за изработка на уметничка фотографија. Работилницата траеше три дена во кои 15 тина млади ги учеа основните функции и техники на фотоапаратите, компзициските елементи, форми и техники .
,,Идејата на работилницата беше да се развие свеста за квалитетна фотографија и да се едуцираат за вистинската смисла на фотографијата и нејзината уметничка вредност. За таа цел работевме на потикнување на имагинацијата за креирање фото приказни и запознавање со напредните техники за креативни фотографии. Вниманието беше ставено пејсаж фотографии но и изработка на улична и ноќна фотографија. Се надевам на тој начин се отвара можност во иднина да станат професионалци и да заработуваат но и да направат некоја промена во светот’’, ни ијзави Димитар Новаков фотограф од Гевгелија
Работилници за фотографија неодамна се одржаа и во Валандово и Богданци, каде беше поставена и изложбата на изработени фотографии под наслов „Богданци и Валандово низ леќата на младите фотографи“.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
