Јордан Митев на својот youtube канал го промовираше видео записот за својот нов сингл „ Среќо моја, среќа си ми ти“, кој го снимаше во Швјацарија каде изминативе денови имаше настапи кои беа доста посетени од нашинци кои живеат и работат во ова држава.  Станува збор за спот кој го работеше студиото „Зати“ а се снимаше кај познатиот дворец Шадау на тунското езеро во градот Тун – Швајцарија.

,,Во дворецот снимав поради две причини. Првата е затоа што пеам за среќна љубов која за мене симболички претставува како еден дворец. Токму таков е и дворецот Шадау. А втората причина е што преку таа локација успеав да доловам и дел од убавината на Швајцарија. Во спотот имам еден луксузен автомобил кој е дел на современото живеење, еден пар кој ја симболизира љубовта а во видеото се појавува хармоникаш, кој е мој прв братучед Ѓорѓи Спасов кој е вонсериски виртуоз на хармоника, професор, успешен музичар и професор по хармоника во Швајцарија,, вели Јордам Митев кој имаше настапи во Швајцарија изминатите денови

Митев кој е и автор на песната, е креатор на видеото а за техничката реализација се погрижија професионалците од Зати. Според него новиот сингл заслужува подинамичен и помодерен спот за кој Јордан вели дека е едноставно видео но сепак доволно одмерено зачинето да изгледа современо.

,,Преку оваа видео а и преку многу други кој што ги имам направено јас се трудам да ја променам прецепцијата за македонскиот фолк и кога ќе се спомне фолк музика да не се има перцепција само за народна носија и рурална средина, туку фолкот да се гледа како стил на музика кој може да биде обликуван и претставен во повеќе форми, од традиционална, до современа,, вели Митев.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.