Утревечер во населеното место Дрвош ќе се одржи новото издание на фолклорната манфиестација „Ѓурѓовден под Огражден“ која носи спој на фолклорот, музиката, традицијата. Станува збор за манифестација која по трет пат се организира со помош на Општина Босилово но и повеќе фирми спонзори. Истата има за цел да ги негува традиционалните вредности на опстојување, одбележување и славење на големиот празник Ѓурѓовден во оваа населено место.
На манифестацијата ќе настапат Ансамблот „Бојмија“ од Гевгелија, Ф.А. „Мегдан“ од Богданци, КУД „Кирил и Методиј“ Иловица и ансамблот „Велигденски цветови“ од селото Јаргулица. Сите тие ќе имаат мало дефиле по улиците на Дрвош за да на крај на платото кај „Зони Бк промет“ ќе имаат свои настапи со цел да се пренесе македонскиот изворен фолклор преку музика и оро.
После одржување на фолклорната манифестација, забаватa ќе продолжи со Сања и Спасе кои на присутните ќе им пренесат одлично предѓурѓовденско расположение и забава под Огражден во Дрвош. Организаторите соопштуваат дека сите подготовки се при крај и се очекува голем број гости и посетители да уживаат во оваа фолклорна манфеистација „Ѓурѓовден под Дрвош“
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
