Шестоодделенци од Сандо Масев Струмица презентираа ,,математичка маска” во НУЦК Антон Панов

2869

Секоја математичка форма, секој број, знак или фигура добро осмислено може да се вклопи во оригинална карневалска креација,, Вака ни изјави професорот по математика Гордана Андонова при ООУ ,,Сандо Масев” од Струмица која заедно со шестоодделенци во холот на НУЦК Антон Панов ја презентираа својата ,,математичка маска” која ја работеле за време на наставата. Станува збор за ученици од 6 Б одделение кои презентираа дури 62 каренвалски фигури

,,Под математичка маска, се подразбира основниот мотив за изработка, а тоа е: Употреба на се она што до сега е учено од предметот математика  од делот на геометриски форми, геометриски движења, линии, броеви и математички знаци, како да се пренесат на работен материјал и да прераснат во складно обликувани карневалски маски. Да бидат едноставни, направени со огромна љубов и креативност на учениците, да носат математичка порака а сепак да се интересни и убави,, ни изјави професорката Андонова

„Математичка маска„ била планирана како училишна активност во рамките на изучување математика во 6 одд, која со години наназад ја реализира професорката Андонова за да се препознае корелацијата на изученото со практичното, од аспект на спојување со традицијата и обичаите на поднебјето на нашето живеење.

,,Кога идејата ќе се преточи во дело, восхитот не изостанува. Секоја математичка форма, секој број, знак или фигура добро обмислено се вклопи во оригинална карневалска креација. Впрочем можете и самите да се уверите колку бевме успешни во спојувањето на математиката и струмичкото карневалско живеење ако дојдете во НУЦК Антон Панов и ја погледнете нашата збирка математички маски,, подвлече  Андонова

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.