Училишните футсал екипи на Сандо Масев од Струмица, Герас Цунев од Просениково, Јосип Броз Тито од Валандово и Владо Катранџиев од Гевгелија утре ќе разигриваат за трите позиции на Училишната лига Југоисток. Станува збор за проект кој на идеја на УСК Валандово го иницираше градоначалникот на Валандово Ѓоко Камчев пред колегите од Југоисточниот плански регионо се со цел да има соработка другарување и социјализација на децата преку спортот во Југоистокот.
Во целата лига учествуваа РЕЧИСИ сите училишта од општините од Југоистокот. Тие играа во рамките секој во својата општината. Па така во групата А се изборја 5 екипи кои пак во елиминационата фаза ги дадоа двата патника. Идентично беше и во гевгелиско валандовскиот микро регион каде исто така беа дадени два патника. Најдобрите две од двете групи се најдоа на завршниот турнир во салата во Валандово.
Според ждрепката во првото полуфинале закажано во 9.30 се среќаваат екипите на Јосип Броз Тито од Валандово и Сандо Масев од Струмица. Во вториот полуфинален меч во 10 часот се среќаваат екипите на Герас Цунев од Просениково и Владо катранџиев од Гевгелеија. Веднаш по овие два меча по мала пауза се игра натпреварот за третото место а победниците играат финале
Ова е пилот проект, и доколку е успешен предвидено е до година да бидат вметнати и други спортови во други возрасни категории, со цел да прерасне во едно масовно здание за дружба помеѓу децата, наставниците, училиштата во иднина.(В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
