Општинските власти на Валандово ја отпочнаа постапката за проширување и уредување на централното градско подрачје каде се сконцентрирани речиси сите институциите заради што улицата ,,Моша Пијаде’’ постојано е окупирана со возила. Проектот предвидува проширување на плоштадот и улицата Моша Пијаде, обнова на фасадите, отворање нови паркинг места, поставување нова урбана опрема но и заштита на сите споменици но и двата јавора на плоштадот. Градоначалникот на Валандово Перо Костадинов вели дека овој проект ќе оди во повеќе фази
(Идејно решение за изгледот на споменикот во центарот на Валандово кој е поставен во 1931 година, во чест на жртвите од катастрофалниот земјотрес што го зафатил гратчето)
,,Сакаме да го вратиме животот и духот на центарот на Валандово. Од таа причина планираме да го отвориме плоштадот со потенцирање на двата јавори, споменикот на загинатите од земјотрес кој ќе биде и соодветно осветлен. Планираме да ја прошириме улицата ,,Моша Пијаде’’ која ќе се проширува и ќе се отворат нови паркинг места. Паралелно целиот овој простор ќе има нови зелени површини, урбана опрема а со реализацијата на овој проект планираме да инсталираме и ново улично осветлувње на соларна енергија,, ни изјави градоначалникот Перо Костадинов
(Идејно решение за улицата Моша Пијаде во Валандово со проектот за уредување и реставрација на централното градско подрачје)
Тим од млади архитекти го подготвија идејното решение за новиот лик кој ќе го добие центарот на Валандово и улицата Моша Пијаде. Велат дека со реализацијата на овој проект централното градско подрачје ќе ја сочува автентичноста од една страна но ќе добие и модерен лик согласно новите трендови на живот.
Уредувањето и реставрацијата на централното градско подрачје ќе оди во повеќе фази. За првата во која акцент ќе се даде на улицата ,,Моша Пијаде,, како што кажа градоначалникот Перо Костадинов се обезбедени 4 милиони денари од Буџетот на општината. За целосна реализација на овој проект ќе се бараат и други извори на финансирање.
(Со проектот се предвидува и обнова на фасадите на објкетите во централното градско подрачје во Валандово)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
