Од понеделник стартуваат аудициите за избор на дечиња кои ќе земат учество на годинашново издание на Фестивалот на детски песни ,,Јо-Јо’’ 2020 во Струмица. Како што не информираше Мери Јанчева од организациониот одбор, право на учество имаат сите деца од 5 до 12 години кои имаат желба и талент за музика и пеење.
Жири комисијата составена од реномирани музичари и пејачи ќе ги слушаат дечињата и ќе ги оценуваат а услов за учество на аудицијата е дечињата да испеат две песни – една по сопствен избор и една од досегашните изданија на Јо-Јо фестивалот. Најдобриот од аудициите ќе добие бесплатна песна и настап на овој Фестивал кој опстојува веќе седум години а од кои излегоа голем број детски песнички.
(Од ланското издание на Јо-Јо Феестивалот во Струмица)
,,Секоја година, интересот за аудициите е се поголем и бројот на талентираните дечиња за пеење и музика. Наша задача е да ги охрабриме овие дечиња и да им помогнеме да ги совладаат сите потешкотии во спремањето на песните и настапите. За таа цел, соработуваме со реномирани музичари и композитори, професори од музичкото училиште како и наставници по балет. Ги учиме, како да се однесуваат на сцена во поглед на сценскиот настап и како да ја изведат песната. Во студио работат со музичарите а таму учат техники на пеење ,, ни изјави Јанчева.
Седмото издание н ЈО-ЈО фестивалот во Струмица ќе се оддржи во јуни годинава а потоа учесниците на овој фестивал имаат настапи на повеќе културни и забавни манифестации во земјава.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
