МЗШВ распиша јавен оглас за давање во закуп на државно земјоделско земјиште за површини над 3 хектари по пат на јавно наддавање. Парцели државно земјиште се нудаат и во струмичкиот, валандовскиот и гевгелискиот регион. Дел се актрактивни. Земјиштето се издава за рок од 15 до 70 години за подигање долгогодишни насади како што се лозја, овоштарници, лешник, маслинарници, поставување пчелни семејства, рибници.
Во Струмичко, според распишаниот оглас ќе се издаде земјиште со површина од околу 20 хектари. Станува збор за две парцели на месноста Баир кај Владевци.
Во Валандовско ќе се издаде земјиште на локациите викани: Барата, Зад Барата и Маркови Дабички во катастарска место Грчиште. Таму се нудаат околу 15 хектари земјиште
Државно земјиште се издава и во гевгелискиот микро регион кој ги опфаќа општините Гевгелија Богданци и Дојран. Таму се нуди земјиште од околу 70 хектари. Според огласот парцели има кај населното место Богородица на месноста викана Курија, потоа кај Прдејци на месноста викана Стоева чука, кај Моин на месноста Ракита. Потоа на месноста Болован вонградско подрачје на Боданци, Бела чешма кај Стојаково, Парагон кај Селемли. Во општина Дојран земјиште се дава на локациите Лилова бара и Елите кај Фурка и во катастарското место Сретеново на Владајско поле и Зафирка.
Право на учество на јавниот оглас имаат домашни физички и правни лица и странски правни лица. Физичките лица треба да се регистрирани вршители на земјоделска дејност или да се трговец поединец на кои земјоделското производство или преработката на примарни земјоделски производи им е приоритетна дејност.
Јавниот оглас трае 30 дена од денот на објавувањето односно до 27 ноември Заинтересираните апликанти образецот за учество на јавниот повик (понуда) можат да го подигнат во МЗШВ, подрачните единици или преку веб страната на МЗШВ. Истиот мора да се пополни со сите потребни податоци и да се достави заедно со потребната документација во затворен коврерт.
Целиот оглас можете да го видите ТУКА
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
