По повод големиот Христијански празник, Воскресение Христово – Велигден, учениците од ООУ „Гоце Делчев“ од Василево организираа Велигденски базар кој имаше хуманитарен карактер. Учениците со своите наставници на импровизирани штандови нудеа разновидни велигденски јајца и украси, слатки подготвени по традиционални домашни рецепти а поставија и кутии каде може сите да донираат парични средства со оглед на хуманитарниот карактер на акцијата.
Иста ваква хуманитарна акција под мотото ,,Велигденски сладок панаѓур,, организираа и учениците од прво до петто одделение од подрачното училиште во Ангелци кои за престојниот празник изведоа и програма со рецители и музички точки. Тие на присутните им понудија повеќе слатки специјалитети но и велигденски украси и јајца.
Велигденскиот Базар во Василево и Велигденскиот сладок панаѓур во Ангелци ги посети и првиот човек на општина Василево Марјан Јанев кој ги поздрави ваквите хуманитарни акции и желбата на учениците преку негување на традиционалните вредности да подадат рака на некој што му е потребна.
Средствата собрани во двете Велигденски активности на основците од ООУ ,,Гоце Делчев,, од Василево и подрачното во Ангелци ќе бидат донирани како помош на лице на кои му се неопходни.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
