Финалните мечеви за КУП титулата во одбојка ќе се играат во Струмица во Парк на 30 април

2302

Финалните мечеви од КУПОТ на Македонија во одбојка ќе се одиграт во Струмица во спортската сала ,,Парк” на 30 ти април дознава ДРНКА.МК . Вака одлучила Одбојкарската Федерација на Македонија која завршницата ќе ја организира во соработка со Одбојкарските клубови ,,Џио Струмица’’ и ,,Наковски волеј’’ кои паралелно се и финалисти во машка и женска конкуренција во КУПОТ.

Според програмата прво ќе се игра женското финале помеѓу екипите на ,,Наковски Волеј’’ и ,,Работнички Скопје’’ со почеток во 17 часот и 30 минути додека машкото финале помеѓу екипите на ,,Џио Струмица’’ и ,,Униуверизтет Тетово’’ ќе се одигра во 20 часот во салата Парк на 30 април

За девојките на ,,Наковски волеј’’ ова ќе биде прво КУП финале во својата историја и ќе дадат се од себе да го освојат победничкиот пехар против ,,Работнички Скопје’’- клуб кој има долга традиција а во своите редови искусни одбојкарки.

За одбојкарите на ,,Џио Струмица’’ ова ќе биде десетто финале во КУП натпреварувањето и можност да ја одбранат КУП титулата од минатата сезона со што ќе ја потврдат својата доминација во макеоднската одбојка. Досега во своите витрини Џио Струмица има шест КУП титули

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.