Пингпонгарите од Радовиш и официјално се вратија во суперлигашкото друштво откако го совладаа составот на Кочани и станаа шампиони во Првата пингпонгрска лига во земјава. Пингпонгарот Милче Чачаров вели дека во прволигашкото натпреварување ова сезона, немаат пораз. Во сите 14 кола биле победници со вкупно 56 добиени мечеви
,, Радовиш заслужува да биде во најелитното пингпонгарско натпреварување. Ние сме сениорски состав од 6 члена и верувам дека догодина повторно ќе бидеме во самиот врв на македонскиот пингпонг. Сакаме да го вратиме сјајот на овој спорт во градот. имаме услови во спортската сала со термини и наш простор за тренинг,, ни изјави Милче Чачаров
Како што кажа тој во наредниот период акцент ќе се даде на популаризациј ана овој спорт низ школите. Пинг понгот е спорт кој ја зајакнува личноста пред се неговата моторика и мускулатура и затоа сите го препорачуваат кај младите личности пред се заради зацврстување на самодовербата
,, Планираме во наредниот период да ги анимираме младите почесто да се дружат со пингпонгот. Радовиш има потенцијал но треба да се работи со нив. Во моментов овој спорт повеќе се сфаќа рекреативно но со упорност верувам дека можеме да изградиме квалитетни пингпонгари,,ни истакна Чачаров
фото ФБ
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
