Улицата кон црквата Св. Илија во Радичево асфалтирана – се реши барањето на жителите за подобар пристап

322

Улицата која води кон црквата Св. Илија во Радичево Општина Василево е асфалтирана со што се реши едно од барањата на жителите од оваа село кои имаа проблем со пристапот до Црквата и селските гробишта. Овој проект општина Василево го реализраше во соработка со Центарот за развој на Југоисточниот плански регион од чија страна беше обезбеден Буџетот и спроведена комплетната тендерска постапка за избор на компанија изведувач на градежните работи на терен.

Улицата е во должина од 327 метри и ширина од околу 3 метри. Заштитата од атмосферските води е решена со риголи. Вкупниот Буџет за нејзина реализација изнесува 2 196 616 денари. Изведувач на работите на тертен е градежната компанија Бони интерградба.

„ Денес сме во Радичево, каде на задоволство на граѓаните на ова населено место, ја финализираме изградбата на оваа одамна ветувана улица, која води кон црквата Св. Илија – селскиот храм во кој жителите од Радичево ги спроведуваат сите верски обреди. Денешното асфалтирање е потврда дека ветувањата не се празни зборови, туку  сериозно сватени обврски кои ги реализраме. За значењето на улицата нема да зборувам – тоа го оставам на жителите чиј бенефит ќе го почувствуваа“, изјави градоначалникот Андонов

На лице место денеска беа градоначалникот на општина Василево, Славе Андонов, кој заедно со својот тим и директорот на Центарот за развој на Југоисточниот плански регион Ѓоко  Камчев го следеа текот на денешните активности.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.