Одбојкарките на Струмица Жени го добија Работнички од Скопје на свој терен во рамките на 6 тото коло од Втората фаза од Првата одбојкарска лига на Македонија и се пробија на третата позиција на табелата за подобар старт во плеј офф пресметката. Со ова победа струмичанки им се реваншираа на Работнички за поразот во Скопје во декември минатата година. Со ова четврта победа во втората фаза одбојкарките на Струмица жени на своето конто имаат вкупно 25 бода идентично со Работнички.
Струмица Жени за разлика од последното коло кога лошо одиграа и претрпеа пораз од Јанта Волеј Кисела Вода вечерва доминираше на теренот. Го добија првиот сет со 26:24. Вториот го загубија со 22:25 , но во следните два со одличниот сервис, добрата игра во приемот и на мрежа, го принудија Работнички од Скопје да се помири со пораз. Третиот и четвртиот сет ги добија со 25:19 и 25:15.
До крајот на втората фаза остануваат уште четири кола по што почнува плеј офф пресметката за освојување на шампионската титула каде најдобрата екипа се среќава со четвртопласираната а второ и трето пласираната екипа играат меѓусебе. Победниците од овие дуели играат за титула.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
