Стартува женскиот одбојкарски шампионат, Наковски волеј и Струмица жени најавуваат борба за титула !

1779

Двата струмички прволигаши во женска конкуренција Наковски волеј и Струмица жени денеска ги почнуваат дуелите од Првата женска одбојкарска лига, која ова сезона ќе брои 8 тима. Најавуваат пласман меѓу најдобрите и атак на титулата бидеjки сметаат дека имат состави кои може да се вбројат во претендентите за висок пласман

Струмица жени првенството го почнува дома со тимот на Работнички. Стратегот Атанас Милев вели дека екипата е максимално подготвена со оглед дека подоготовките ги започнеле уште во месец август а одиграле и повеќе пријателски натпревари. Станува збор за екипа чии ростер е од минатата сезона засилена со одбојкарки од сопствените младински погони.

,, Работнички ова сезона најмногу се засили и ќе биден еден од најсериозните кандидати за шампионска титула. Моите одбојкарки се одлично подготвени и мотивирани. Играме на домашен терен и се надевам на првата победа во првенството. Нашите амбиции од година во година растаат. Летвичката и ова година ни е крената за скала повисоко. Ако лани завршивме како трети, оваа година имаме за цел да играме финале за титула,, рече Милев

И ОК Наковски волеј очекува пласман во Топ 4 кои ќе разигруваат за титула. Првенството го почнуваат со Универзитет Тетово во гости. Стратегот Хари Наковски вели дека има силен состав ова сезона со оглед дека Сара Делчева од Вардар се врати а се засили и со искусната Лилја Ковачевиќ

,, Искрено да Ви кажам подобра екипа не сме имале досега. Прва и основна цел е да влеземе во првите четири екипи кои ќе разигруваат за титула а за другото што даде господ,, ни изјави Наковски

Првото меѓусебно соочување на овие два тима ќе биде на 13 ноември на теренот на Наковски волеј кој ќе биде домаќин

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.