Музички да ја освои Европа и светот. Тоа е замислата на младата струмичанка Тина Русева која веќе десетина години жиее во Леверкузен Германија а годинава победи на музичкиот онлајн натпревар ,,Гласот на Европа“. Таа вниманието на македонската јавност но и музичката критика го сврте по маестралните настапи на музичкото шоу „Гласот на Германија“ каде малку недостасуваше да биде најдобра. Девојчето од Струмица која сите ја знаеа од детскиот фестивал „ЈоЈо“ каде победи и беше постојано меѓу најдобрите, прерасна во вистинска музичка „лавица“ која се бори да успее и да докаже дека може да успее
,, Мислам дека со музика сум родена. Инаку јас бев чудното девојче кое прво кога стануваше пееше а чешелот за косата и беше миркофон па потоа ги миеше забите и лицето. Моите родители можеби беа правецот, но одлуката за музика беше моја. Сакам одлуките да бидат мои независно од тоа што моите родители се музичари. Да, тие ми помагаат но сакам да бидам своја и самостојно да го градам својот музички пат“ ни вели Тина која последниов период е на реалција Македонија Германија
Потекнува од музичко семејство. Мајка и Верица беше вокал на некогашната фолк група „Пицикато“ додека татко и Љубе тапанар на групата Интервали. Судбината сака на 11 години семејно да заминат во Германија иако Тина веќе зад себе имаше освоено неколку детски фестивали и со радост одеше на музичкото училиште Боро Џони. Паралелно беше втора и на фестивал во Белорусија. И кога сите мислеа дека музички ќе се надоградува во Македонија, тие заминаа во Германија.
„Кога заминав во Германија јас почнав од нула. Не знаев ниту јазик, ниту каде си и што си. Но сфатив дека мора сама да се изборам а паралелно да се надоградувам со музика. Цели четири години го усовршував јазикот и тамошниот живот а станот беше мојата концертна сала. Потоа почнав да одам по музички работилници, академии и бев упорна. Љубовта кон музиката ме одржуваше во тие моменти.“ се сеќава Тина на првите години од животот во Германија. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
