Паркинг просторот зад општинската зграда ќе биде готов за две недели ни изјави градоначалникот на Радовиш Ацо Ристов откако минатата недела почна уредувањето на просторот за таа намена. Таму ќе може да се паркираат 50 возила со што значително ќе се ослободаат улиците кај полициската и општинската зграда.
Градоначалникот Ристов вели дека нема да биде уредена само ова локација за паркирање. Стручни екипи веќе вршат детектирање и мапирање и на други простори во Радвиш кои може да се наменат за паркирање на моторно возила со што значително ќе се среди сообраќајниот метеж.
Тој изрази задоволство како тече кампањата ,,Паркирај совесно и одговорно’’ во која се вклучи и полицијата. Засега се дејствува превентивно но доколку одредени учесници во сообраќајот не се придржуваат кон препораките ќе следуваат и казни.
Изградбата на паркинг просторот зад општинската зграда но и мапирање на други локации се во функција на проектот зонско паркирање во Радовиш за што Советот на општина Радовиш треба да донесе одлука а градоначалникот Ристов смета дека во рок од 3 месеци може да се воведе
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
