Кривични за три лица од Гевгелија, како раководители во Комуналец ја злоупотребиле службената положба

4278

Гевгелиската полиција до Основното јавно обвинителство  поднесе кривични пријави против три лица од Гевгелија бидејки се сомнева дека за период од три години како вработени во ЈПКД ,,Комуналец’’ сториле кривично дело злоупотреба на службената положба и овластување. Трите лица У.В. (61), П.Б. (48) и М.П. (53) во периодот од 2014 до 2017 биле на раководни позиции во комуналното од кои пропуштале да бидат наплатени долгови за извршени услуги од ,,Комуналец’’ направени  од страна на физички и правни лица од Гевгелија, Стојаково и Селемли

Според објавената информација од МВР  тие правеле селекција на корисниците на услугите кои требало да бидат предупредени или тужени односно селективно одлучувале кои физички и правни лица да бидат опоменати и тужени, при што пропуштиле да спроведат постапка за присилна наплата на долг од корисници

Со овие дејства осомничените, злоупотребувајќи ја својата службена положба и овлстување, причиниле вкупна материјална штета во висина од 6.114.969 денари на штета на Јавното претпријатие за комунални дејности „Комуналец“ Гевгелија, како и друга дополнителна материјална штета на претпријатието.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.