Земјоделците од струмичко повторно излегоа на протест, овојпат со трактори и земјоделска механизација и го блокираа центарот на Струмица. На протестот повторно кажаа дека се незадоволни од понудените и побараа повисоки откупни цени на куртовската капија, . Станува збор за пиперки кои се откупуваат законзервно преработувачките капацитети. Производителите вчера имаа средба со министерот за земјоделство Борче Серафимовски каде му пренеле дека со цена од 25 денари нема да се покријат производствените трошоци а камоли да имаат за живеачка.
,, Вчера министерот ни вети дека ќе издејствува повисока откупна цена. Доколку не добиеме цена прифатлива со која ќе ги покриеме производствените трошоци, ние од вторник повторно излегуваме на протести и блокади„, кажа Александар Грозданов преставник од Здружението Млади Муртино
Земјоделците од струмичко завчера протестираа во Муртино, вчера кај Робово а денес во Струмица . За нив несфатливо е како при зголемени трошоци на производство но и елементарни непогоди се нудат пониски цени од минатата година. Лани, прва и втора класа пиперки која оди за фабриките се откупувала за 35 и 40 денари а годинава за 25 денари.
,,Нема да дозволиме да си играт со нашата мака. Јас годинава очекувам род од околу 150 тони . Цело семејство „рмбаме“ и жена и деца. Постојано сме на нива и сега некој за џабе да ни го земе родот. Вака не се развива земјделството. Вака нема да ги задржиме младите на нивите“, кажа Киро Костов земјоделец од Робово.
Вчера земјоделците побара и исплата на субвенциите. Министерот за земјоделство Борче Серафимовски имаше средба со откупувачите и производителите каде ги слушна нивните барања и ставови.
„Цената ја определуваат пазарните услови, но начинот на кој се одвива откупот мора да биде законски, транспарентен и предвидлив. Улогата на Министерството за земјоделство, шумарство и водостопанство е да ги сослуша аргументите на сите страни, да обезбеди почитување на правилата и да придонесе за откуп на пиперката што ќе го вреднува трудот на земјоделците и ќе овозможи непречен пласман“, истакна министерот Серафимовски.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
