Христијан Ефтимов, претседател на СДММ при ОО на СДСМ Струмица и член на Советот на Општина Струмица, денеска побара Јавното обвинителство и Внатрешната контрола на МВР да го испитаат начинот на кој, според него, податоци од полициски документи поврзани со лица од инциденот во Ново Село стигнале до претставници на ВМРО-ДПМНЕ и биле јавно објавени.
Ефтимов во прес-изјава обвини дека по физичкиот инцидент во Ново Село, сега следувале, како што рече, „јавни напади со лаги, навреди и украдени полициски документи“.
„ВМРО на прес-конференција објави податоци од документи од Полициската станица Струмица. Податоци до кои немаат право на пристап. Податоци што се водени како службена тајна“, изјави Ефтимов.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
