Нема да дозволиме капацитети кои диркенто или индиректно ќе го загрозат човечкото здравје. Вака кажа денеска претседателот на ОО на СДСМ во Струмица Лазо Манев на денешната прес-конференција. Тој кажа дека како лекар, советник и претседател на СДСМ Струмица нема д аго поддржи планот кој предвидува отворање пет рудници за металични суровини
„Јас, најпрво како граѓанин, второ како лекар и на крај како претседател на Општинската организација на СДСМ во Струмица, не можам да останам рамнодушен пред план кој предвидува отворање на каков и да е капацитет во регионот кој директно и индиректно ќе го загрози здравјето на луѓето“, кажа Манев.
Тој праша зошто градоначалникот Петар Јанков и советниците на ВМРО-ДПМНЕ не присуствувале на јавната расправа. Побара и да се изјаснат дали остануваат на ставот против геолошки истражувања и експлоатација на метални суровини, изразен во одлуката на претходниот состав на Советот на општина Струмица.
„Еве ви шанса повторно да го кренете гласот и да покажете дека сето тоа не било фарса, како што се чини“, им порача Манев на претставниците на ВМРО-ДПМНЕ, потсетувајќи на нивните ставови против рудникот за време на изборната кампања.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
