По вчерашниот кај Гевгелија, денес пожари во радовишко и валандовско – надлежните апелираат на внимателност без палење огнови на отворено

1817

По вчерашниот пожар кај Смоквица Гевгелиско кој предизвика и прекин во железничкиот сообраќај, денеска во југоистокот се регистрирани два поголеми пожара кои сеуште се активни. На терен се екипи кои се обидуваат да ги стават пожарите под контрола кои се шират со помош на ветрот кој дува

Огромна површина на шума гори на планината Готен над селата Злеово и Покрајчево . Досега се изгорени неколку хектари ниско стеблеста шума. На терен се екипи на ТППЕ Радовиш но и од  ЈП ,,Национални Шуми” подружница Плачковиа кои се обидуваат пожарот да го локализираат но тешко оди пред се поради конфигурацијата на терен

Попладнево пожар избувна и на локалитетот Погана во Валандовско локалитет после Грчиште зад Казандол. Последните информации говорат дека пожарот е ставен под контрола и се прават напори целосно да се ликвидира

Засега не се знаат причините но се претпоставува дека причинтел на пожарите е човечко невнимание заради што надлежните апелираат да се внимава на отворен простор. Потсетуваат дека и понатаму има забрана за движење во шумите но и да не се палат стрништа и оган близу шумски површини.

Вчера во текот на денот беснеше пожар кај Мрзенци кој стаса речиси до автопатот.

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.