Почнаа работите за Дојран да стане туристички бисер во Југоисточна Македонија, проект вреден околу 650 илјади евра

5224

Во Дојран деновиве почна работите за подготовка на теренот за формирање зелена рекреативна зона со детски терени, патеки и урбана опрема. Градежна механизација веќ работи на паркот кај општинската зграда кој треба да добие целосно нов лик а ќе се реконструира и амфитеатарот односно летната музичка сцена до кој ќе се асфалтира пат. Станува збро за активности во рамките на проектот ,, Дојран туристички бисер во Југоисточна Македонија’’ за што ќесе инвестираат околу 650 илјади евра од ЕУ и државата преку Проектот за локална и регионална конкурентност.

Проектот во Дојран предвидува Партерно и хортикултурно уредување на Градскиот парк во Дојран  односно создавање на Зелена рекреативна зона на површина од 20.700 м2. Паралелно се планира реконструкција и доградба на пешачки патеки во должина од 830 метри, изградба на мало детско игралиште со површина од 270 квадратни метри но и големо детско игралиште со површина од 540 м2. Во овој предел се планира и парк за миленици со површина од 600 квадратни метри при што ќе се постави урбана опрема но и целосно осветлување на овој потег

Вториот сегмент на проектот планира санација и реконструкција на отворена летна сцена каде е планирано  асфалтирање на улица до „Отворена летна сцена“ во должина од 100 метри, санација на оштетени делови на „Отворена летна сцена“ и реконструкција на сцената за изведби но и партерно и хортикултурно уредување на „Отворена летна сцена“ со површина од 3.600 м2

,, Со реализацијата на овој проект за кој бевме нависоко рангирани при селекцијата очекувам значително да се измени и подобри ликот на централното градско подрачје на Дојран но и да се збогати туристичката понуда бидејки предвидени се низа активности. Во моментов почнаа работите во градскиот парк кој треба да добие целосно нов лик а потоа ќе се пристапи и на летната сцена. Нашата цел е да имаме постојано гости во текот на целат агодина,, ни изјави Анго Ангов градоначалник на Дојран

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.