Полицајците не ги пречекориле своите овластувања во акцијата за хуманитарните пакети на семејството Заеви преку граѓанското здружение Сите можеме заедно кога повеќе од 10 часа беше прекината дистрибуцијата на помошта до социјално загрозените семејства во повеќе општина во земјава. Внатрешната контрола при МВР констатирала само административни пропусти во евиденцијата на настанот. Вака истакна министерот за внатрешни Наќе Чулев при денешната посета во Струмица
,, Од внатрешната контрола е констатирано дека полициските службеници не ги пречекориле овластувањата, меѓутоа има минорни административни пропусти во заведување на настанот’’, рече Чулев кој запрашан дали полицијата имала налог за претрес и контрола министерот кажа дека полицијата била во редовна контрола дали се почитува полицскиот час а потоа постапила во координација со обвинителството.
,,Полицијата била во контрола на ограничување на движењето за што нема потреба од налог, но откако затекналe бил консултиран дежурен јавен обвинител и понатаму полицијата постапила во координација на јавното обвинителство,, рече Чулев
Инаку министерот Чулев денеска оствари средба со раководството на СВР Струмица и беше информиран за безбедносната состојба на територијата која ја покрива. Според официјалната статистика,СВР Струмица покажува добри резултати во откривањето на имотните деликти. Послаби резултати се забележани во економскиот криминал и поради тоа министерот Чулев побара засилување на активностите кои ги преземаат полициските службеници во справување со оваа проблематика.
Исто така, беше разговарано и за интензивирање на активностите на СВР Струмица во насока на спроведување на мерките и одлуките на Владата поврзани со спречување на ширењето на Ковид-19. Во таа насока, заедно со Секторот за превенција беа делени заштитни маски за граѓаните на Струмица.
Министерот Наќе Чулев уште еднаш апелираше до граѓаните да ги почитуваат мерките и одлуките на Владата кои се насочени кон спречување на понатамошно ширење на вирусот.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
