ПК Ентузијаст од Струмица на 07.04.2024 година (недела) на планината Беласица ќе го реализира меморијалниот планинарски марш „Ванчо Атанасов – 2024“. Станува збор за традиционален марш кој по 25 ти пати ќе се организира од населеното место Костурино до планинарската куќа Дедо Кољо Муртински па симнување до населеното место Свидовица.
,,Патеката е средно-тешка, а вкупната должина е 22 км или 6 часа одење (3,5 ч. искачување и 2,5 ч. симнување), при што се совладува висинска разлика од 720 м“, стои во повикот од ПК Ентузијаст од Струмица.
ПРОГРАМА:
Недела
– Тргнување во 07:00 ч. од Стара автобуска – “Пошта“, со организиран превоз до с.Костурино.
– Тргнување од с.Костурино во 08:00 часот .
– Пристигнување на планинарска куќа “Дедо Кољо Муртински“ и ручек во 14:00 ч. обезбеден од организаторот. Секој да си понесе прибор за јадење.
– Симнување кон с.Свидовица во 15:00 часот.
– Поаѓање од с.Свидовица за Струмица во 18:00 ч., со организиран превоз.
ОПИС НА ПАТЕКАТА
– Се тргнува од с.Костурино од 440 мнв.
– Се продолжува кон с.Орманли, потоа месноста Белашки ливади, па Ќучук чешма и се доаѓа до споменикот на петте струмички студенти.
– Патеката завршува на Џами Кран (1.160 мнв.), каде се наоѓа и планинарската куќа “Дедо Кољо Муртински“.
ПОТРЕБНА ОПРЕМА
Разгазени гојзерици, кабаница за дожд, резервна облека.
НАПОМЕНА
Секој учесник доаѓа на сопствена одговорност и лично си одговара за сопствената психо-физичка кондиција. Секој учесник е должен да ги почитува насоките на водичите. Во спротивно, самиот е одговорен за несаканите последици.
ПРИЈАВУВАЊЕ И ИНФОРМАЦИИ:
Пријавување учество најдоцна до 3 април 2024. Лица за контакт:
Андон 071 269 802
Филип 071 205 272
Томе 075 301 532
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
